رواية عشقت تقوي الفصل الثاني 2 بقلم سندس محمد
دخلت تقوي بصلها ايهم بصدمه كان فاكر هيشوف واحده لبسه جلبيه وشكلها وحش بس لقى قمر داخل عليهم
تقوي بابتسامة: السلام عليكم
كلهم: وعليكم السلام ورحمة الله وبركاته
مامت ايهم: ماشاءالله ايه القمر ده
تقوي بكسوف: شكرا ياطنط
منصور: سلم على عروستك يا ايهم
بصلها ايهم: عامله ايه
تقوي: الحمدلله و حضرتك عامل ايه
ايهم بضحك: حضرتك ايه بس انا اسمي ايهم ايهم وبس
تقوي بكسوف: ماشي يا ايهم
منصور: سعديه... جت سعديه اللي بتنضف الفيلا " ومش هقول خدامه عشان مبحبش الكلمه ديه "
سعديه: نعم يابيه
منصور: خدي الهوانم وطلعيهم الاوض بتاعتهم عشان يرتاحوا
سعديه: حاضر يابيه
مامت تقوي: بعد اذنكم
منصور وليلي وايهم: اتفضلوا... وطلعوا مع سعديه
مامت ايهم بخبث: ايه يا ايهم شايفاك مصدوم يعني
ايهم بتوتر: لا مش مصدوم ولا حاجه انا ب.بس افتكرت
منصور بمقاطعه: افتكرت هتلاقي واحده بجلبيه وشكلها وحش صح
ايهم: بصراحه اه
منصور: اقعد يا ايهم بص يابني هي كان وارد جدا تكون شكلها وحش زي مانت كنت فاكر بس معدنها حلو عشان مش كل حاجه الشكل هي ممكن يكون شكلها حلو بس خبيثه وقلبها اسود بس ده مش معناه انها كده انا بقولك مثل وممكن يكون شكلها وحش بس مفيش اطيب منها عشان مش كل حاجه المظاهر يبني بس انا بقولك البنت ديه معدنها حلو حافظ عليها وانسى اي حاجه الحياه مبتقفش علي حد
ايهم: حاضر يابابا هحاول حاضر
منصور: ربنا يهديك ياحبيبي.. يلا قوم بقى عشان شويه كده هنكتب الكتاب
ايهم: حاضر.... قام ايهم طلع اوضته
عدى اليوم بدون احداث تذكر وجه الليل ولبست تقوي فستان شكله حلو ورقيق اوي..... ولبس ايهم قميص وبنطلون..... وجه اصحابه المقربين عشان يشهدوا علي العقد والماذون جه وكتبوا الكتاب
مامت تقوي بدموع: مبروك يابنتي عشت وشوفتك عروسه يبنتي
تقوي: الله يبارك فيكي ياحبيبتي ربنا يخليكي ليا يارب
مامت تقوي: ويخليكي لياا ياارب
ايهم بصلها: مبروك
تقوي بكسوف: الله يبارك فيك
وعدى الوقت واصحاب ايهم مشيوا
منصور: احنا كتبنا الكتاب موقتا لحد منعمل الفرح إن شاءالله
كلهم: إن شاءالله
مامت ايهم بخبث: يلا يا ايهم خد عروستك واتعشوا بره بعد اذنك ياام تقوى
مامت تقوى: لا ياحبيبتي براحتهم هي بقت مراته خلاص
ايهم بص لمامته بغضب: ماشي يلا ياتقوى غيري هدومك وانا كمان هغير هدومي ونتعشى بره
لبست تقوى دريس رقيق.... ولبس ايهم كجول وخدها وخرجوا و طول الطريق ساكتين وصلوا المطعم
ايهم: انزلي يا تقوى يلا
تقوى: حاضر.... و نزلت من العربيه.. و دخلوا المطعم.. و بردو ساكتين و قعدوا
بصلها ايهم و قالها اللي صدمها 😳😳🫢
